Xəbərlər / Gündəm
Bu il altı uşaq əcnəbilərə övladlığa verilib
30-06-2017, 19:39
2017-ci ilin altı ayı ərzində Azərbaycanda əcnəbilər tərəfindən 6 uşaq (4 qız, 2 oğlan) övladlığa götürülüb.
Xeberman.com məlumatına görə, bu barədə APA-ya Ailə, Qadın və Uşaq Problemləri üzrə Dövlət Komitəsinin Hüquqi təminat şöbəsinin müdir müavini Seymur Məmmədov məlumat verib.
O bildirib ki, uşaqlar Ailə, Qadın və Uşaq Problemləri üzrə Dövlət Komitəsinin rəyi əsasında övladlığa verilib.
Uşaqlardan 3 nəfərinin Rusiya, digərlərinin isə müvafiq olaraq Türkiyə, Almaniya və Gürcüstan vətəndaşları tərəfindən övladlığa götürüldüyünü qeyd edən Dövlət Komitəsinin rəsmisi əlavə edib ki, uşaqlar 3-6 yaş arasındadırlar.
S. Məmmədov onu da qeyd edib ki, azərbaycanlı uşaqların yaşadıqları xarici dövlət tərəfindən 3 il ərzində, ildə 2 dəfə - 6 aydan bir olmaq şərti ilə Ailə, Qadın və Uşaq Problemləri üzrə Dövlət Komitəsinə hesabat göndəriləcək: “Hesabatlarda uşaqların inkişaf tərzi, mühitə uyğunlaşmaları, təhsili, davranışları və s. məsələlər öz əksini tapacaq. Hesabatlarda fotoşəkillər və 15 dəqiqəlik video-çarx da yer alacaq ki, biz bu formada uşaqlara nəzarət edəcəyik”.
Övladlığa götürülən uşaqların sayı açıqlandı
Azərbaycanda bu il 110 qadın, 28 uşaq intihar edib
İnternet klub işlədənlər üçün xüsusi kompüterlər ayrılsın - TƏKLİF
Şəhid polkovnikin xanımı: Heç bir vəzifəyə təyinat almamışam
576 uşaq dilənçilik edir- RƏSMİ STATİSTİKA
Raquf Orucovun həyat yoldaşına vəzifə verildi
5 dövlət komitəsi ləğv ediləcək - siyahı
Komitə sədrinin Ağdam görüşündə nə baş verib? - Təfərrüat
“Aztəminatlı ailələrdən olan uşaqlara hüquq xidmətinin göstərilməsi” layihəsi çərçivəsində dəyirmi masa keçirilib
“Uşağı doğdum ki, oğlan mənimlə evlənsin” — Bakıda körpələri küçəyə atan kimlərdir?