Xəbərlər / Gündəm

Əli İnsanov barədə qərar verildi

22-06-2017, 23:40

Bu gün Bakı Apellyasiya Məhkəməsində keçmiş səhiyyə naziri Əli İnsanovun barəsindəki hökmdən verilən apellyasiya şikayəti üzrə məhkəmə prosesi yekunlaşıb.

Oxu.Az Qafqazinfo-ya istinadən xəbər verir ki, hakim Əflatun Qasımovun icraatında olan prosesdə qərar elan olunub.

Qərara əsasən, Qaradağ rayon məhkəməsinin hökmü qüvvədə saxlanılıb. Rayon məhkəməsi Ə.İnsanovu 7 il 5 gün müddətə azadlıqdan məhrum edib.

Əli İnsanov apellyasiya məhkəməsində iştirak etməkdən imtina edib.

Qeyd edək ki, Ə.İnsanov 2005-ci ilin oktyabr ayında həsb edilərək 11 il müddətinə azadlıqdan məhrum edilib. Ötən il cəzasının bitməsinə 2 ay qalmış ona Cinayət Məcəlləsinin 234.1-ci (satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə və ya saxlama), 315.2-ci (hakimiyyət nümayəndəsinə xidməti vəzifələrini yerinə yetirərkən həyat və sağlamlıq üçün təhlükəli olmayan zor tətbiq etməklə müqavimət göstərmə) və 317-2.1-ci (cəzaçəkmə müəssisələrində və ya istintaq təcridxanalarında saxlanılan şəxs tərəfindən qadağan olunmuş əşyaların hazırlanması, saxlanılması, gəzdirilməsi, daşınması və ya istifadəsi, eyni əməllər təkrar törədildikdə) maddələri ilə ittiham olunur.

« Oktyabr 2024 »
B.e.	Ç.a.	Ç	C.a.	C	Ş	B
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31

Qaynar xəbərlər

Əli İnsanov barədə qərar verildi