İdman
“Barselona” braziliyalı futbolçuyla anlaşdı
15-06-2017, 16:13
“Barselona” klubun B komandasında top qovan müdafiəçi Marlon Santosla yeni müqavilə bağlayıb.
“Qafqazinfo” “Apasport”a istinadən xəbər verir ki, gənc futbolçuyla 3 illik anlaşma əldə olunduğu qeyd edilib.
Son mövsümdə “Barselona”nın B komandasında 25 oyuna çıxan braziliyalı futbolçu, əsas komandada da oynamaq şansı qazanıb.
Belə ki, ötən il katalonların baş məşqçisi Luis Enrike Santosa 3 matçda şans vermiş, gənc futbolçu sərgilədiyi oyunla diqqət mərkəzinə düşmüşdü.