İqtisadiyyat
Naxçıvanda istehsal olunan məhsulların Türkiyəyə ixracına dair müzakirələr aparılıb
10-06-2017, 10:02
İqtisadiyyat Nazirliyində Türkiyə nümayəndə heyəti ilə görüş keçirilib.
Nazirliyin mətbuat xidmətindən Xeberman.com-a verilən məlumata görə, görüşdə Azərbaycandan, xüsusilə Naxçıvan Muxtar Respublikasından Türkiyəyə ixracın genişləndirilməsinə, Azərbaycan və Türkiyə arasında Preferensial Ticarət Sazişinə və ölkələrimiz arasında ticarət məsələlərinə dair müzakirələr aparılıb. Görüşdə İqtisadiyyat naziri Şahin Mustafayev Azərbaycan-Türkiyə əlaqələrinin strateji səviyyədə olduğunu, ölkələrimiz arasında əməkdaşlığın bütün istiqamətlər üzrə inkişaf etdiyini, birgə layihələrin uğurla reallaşdırıldığını vurğulayıb. 2017-ci ilin yanvar-aprel aylarında Azərbaycan-Türkiyə ticarət dövriyyəsi 88%, o cümlədən ixrac 4 dəfə, idxal isə 18% artıb. Nazir Şahin Mustafayev qeyd edib ki, Naxçıvan Muxtar Respublikasının iqtisadiyyatının davamlı inkişafına böyük önəm verilir. Naxçıvanın inkişaf etdiyini, müasir infrastrukturun, istehsal müəssisələrinin yaradıldığını diqqətə çatdıran Şahin Mustafayev bu baxımdan Muxtar Respublikanın potensialının reallaşdırılmasının, ixracının genişləndirilməsinin əhəmiyyətini vurğulayıb. Naxçıvanda istehsal olunan məhsulların Türkiyə ixracının artırılması üçün imkanlar böyükdür. Azərbaycan və Türkiyə prezidentləri bu potensialın reallaşdırılmasına xüsusi önəm verirlər. Bu istiqamətdə indiyədək rəsmi şəxslərin və sahibkarların iştirakı ilə görüşlər keçirilib, qarşılıqlı səfərlər təşkil olunub, müzakirələr aparılıb. Türkiyə nümayəndə heyəti Naxçıvan məhsullarının Türkiyəyə ixracının genişləndirilməsinə dəstək veriləcəyini, bu istiqamətdə əlaqədar qurum və sahibkarlarla sistemli iş aparıldığını və türk iş adamların Naxçıvana investisiya qoyulmasında maraqlı olduğunu bildirib. Müzakirələrdə Azərbaycan Mərkəzi Bankının, Dövlət Gömrük Komitəsinın, Naxçıvan Muxtar Respublikasının İqtisadiyyat Nazirliyinin, Türkiyənin İqtisadiyyat Nazirliyinin və Mərkəzi Bankının yüksək vəzifəli rəsmiləri iştirak ediblər
Azərbaycanın iqtisadiyyat naziri Şahin Mustafayev BƏƏ-nin Azərbaycandakı səfiri ilə görüşüb
Şahin Mustafayev : İranlı sahibkarlar Azərbaycan üzərindən xarici bazarlara çıxa bilər"
Azərbaycan və İran arasında ticarət, sənaye, kənd təsərrüfatı və investisiya əməkdaşlıq genişlənir - FOTO
Belarusda Azərbaycan Ticarət Evi açılıb
Azərbaycan xarici işlər naziri Elmar Məmmədyarov Macarıstanın xarici işlər və ticarət naziri Peter Siyarto ilə görüşüb.
Azərbaycan-Rusiya iqtisadi əməkdaşlığı müzakirə edilib
Energetika nazirinin müavini Natiq Abbasov Almaniya İqtisadiyyat və Sənaye Nazirliyinin xarici iqtisadi siyasət idarəsinin rəhbəri Ekard Frans görüş keçirilib
Qətərlə investisiya qoyuluşu sahəsində əməkdaşlıq müzakirə edilib
Azərbaycan-İtaliya biznes forumu keçiriləcək – FOTO
Azərbaycanla Gürcüstan arasında ticarət dövriyyəsi azalıb