Foto Fakt
Elton etiraz etdi: “Borcumun 5 min manatını ödəmişəm” - Foto
8-01-2016, 14:20
Müğənni Elton Hüseynəliyev adının vergi ödəməyən məşhurlar sırasında hallanmasına etiraz edib.
Xeberman.com saytı xəbər verir ki, müğənni sosial şəbəkədə vergi ödədiyinə dair çekin fotosunu paylaşıb.
O bildirib ki, borcunun yarısını ödəyib: "Hörmətli jurnalistlər və Vergilər Nazirliyinin əməkdaşları, bu gün yaydığınız məlumatda adını sadaladığınız müğənnilərin içərisində mənim də adım var. Onlardan fərqli olaraq mən 12 min manat vergi borcumdan 5 min manatını dekabrın 25-i ödəmişəm. İndi toylar yoxdur, qalan borcumu ilk işim olanda ödəyəcəyimi əməkdaşlara bildirmişəm. Dövlət vergisindən yayınan, 1 manat da ödəməyənlərin içərisində adımı qeyd etməyinizi düzgün qarşılamadım. Çünki mənə deyilən vergi borcunun 50 %-ə yaxınını ödəmişəm”.
Könül İbrahim
Musavat.com