Xəbərlər / Şikayət

Bakıda daha bir tikinti qalmaqalı – VİDEO

3-06-2017, 21:01

Bakıda daha bir mənzil tikintisi şirkətinin dələduzluğu ilə bağlı məlumat yayılıb.

Xeberman.com xəbərinə görə, şikayətçilər “Qafqazinfo”ya bildiriblər ki, “İdeal-İ İnşaat” MTK 60 mənzili 90 nəfərə satıb. Bu səbəbdən də 5 ildən çoxdur ki, mənzil sahiblərinə açarları təhvil vermək istəmir.

Nəsimi rayonu, 28 May küçəsi, 717-ci məhəllənin Dilarə Əliyeva küçəsinə çıxan ərazidə inşa olunan binadan ev almaq istəyən vətəndaşlar 180-250 min manat arasında ödəniş ediblər. Binanın inşasına 2007-ci ildə başlanılıb və 2012-ci ildə tikinti yekunlaşıb. Ancaq tikinti yekunlaşsa da, mənzillər öz sahiblərinə təhvil verilməyib.

Mənzil sahibi Qvami Abbasov pulu birbaşa şirkət rəhbərliyinə ödədiyini söyləyir:

“Şirkətin təsisçisi İsa Məmmədov, direktoru isə yaxın qohumu Çingiz Məmmədovdur. Son iki ayda, ümumiyyətlə, biz bu insanlarla görüşə bilmirik. 60 mənzil 90 nəfərə satılıb. Şirkətdən mənzil sahiblərinin siyahısını tələb edirik, məhz bu səbəbdən verilmir. 2005-ci ilin mart ayında “Alyans Z” MTK ilə “İdeal V” tikinti şirkəti arasında müştərək fəaliyyətə dair müqavilə imzalanıb. Lakin sonradan “Alyans Z” MTK ilə “İdeal V” şirkəti arasında mübahisə yaranıb”.

“İdeal-İ İnşaat” MTK-dan isə bildiriblər ki, onların “İdeal V” şirkəti ilə hər hansı bir əlaqəsi yoxdur.

« May 2024 »
B.e.	Ç.a.	Ç	C.a.	C	Ş	B
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

Qaynar xəbərlər

Bakıda daha bir tikinti qalmaqalı – VİDEO