Xəbərlər
Bakıda murdar ət satışı VIDEOFAKT
28-03-2017, 10:55
Xeberman.com “Axar.az”a istinadən xəbər verir ki, belə ətlər bazara adi minik maşınının yük yerində daşınaraq gətirilir. Videodan görünür ki, iki şaqqaya bölünmüş cəmdəklərin ağzı tez-tez çirkli arabaların üstünə düşür. Ətlə bir qida məhsulu kimi deyil, zibil torbası kimi davranılır. Hətta cəmdəyin hansı heyvana məxsus olduğunu aydınlaşdırmaq da mümkün olmayıb. Jurnalistlər prosesi sona qədər izləyə bilməyib.
“Prosesin iştirakçılarından biri sürücüyə maşının yük yerini bağlamağı əmr etdi. Daha sonra ərazidəki polis əməkdaşı və həmin şəxs israrla bazar rəhbərliyinin yanına getməyimizi tələb etdilər. Əlimizdəki görüntüləri qorumaq xətrinə oradan uzaqlaşdıq.
Ətrafdakı şəxslər jurnalist olduğumuzdan şübhələnib, bizə içəri daxil olmağa imkan vermədilər. Çəkiliş etdiyimizi görənlər isə əl-ayağa düşdülər”.
Qeyd edək ki, “8-ci kilometr” bazarında ətin qiyməti digər qəssabxanalardan bir xeyli fərqlidir. Normalda kiloqramı 11 manata olan mal əti bu bazarda 6-7 manata satılır. 10-11 manata təklif olunan qoyun əti isə 7-8 manata təklif olunur. Satıcılarla həmsöhbət olub, ətin ucuz olmasının səbəbini öyrənməyə çalışdıq. Bildirdilər ki, burada ətin topdansatışı həyata keçirilir. Alverçi olduğumuzu deyib, əti topdan 6 manata almaq üçün danışıq apardıq. Satıcı bildirdi ki, 50 kiloqramdan çox alsaq, endirim də edə bilər. Onu da dedi ki, iki gün əvvəl sifariş vermək lazımdır ki, əti hazırlasın. Daimi müştəri olacağımız təqdirdə, bizə daha ucuz ət tapa biləcəyini dəfələrlə vurğuladı.
Ölkədə ətin qiymətinin 11-12 manata qalxdığı bir vaxtda bu bazarda iki dəfə ucuz satılmasının səbəbini isə təxmin etmək çətin deyil. Çox güman ki, yaşlı və ölmüş heyvan cəmdəkləri, bəzən isə at və eşşək ətlərinin kafe və restoranlara gedən yolu elə buradan keçir.
Axşam saatlarında “qara bazar” dolları qaldırıb
Bakıda mal və qoyun əti kəskin bahalaşdı - FOTOLAR
Bakıya satış üçün gətirilən ət zərərsizləşdirilib
Ətin qiyməti yenə qalxdı
Yarmarkalarda qiymətlər qalxdı: Bəzi məhsullar 2 dəfə bahalaşıb... REPORTAJ, FOTOLAR
Mal əti yenə bahalaşdı
"Jurnalist həbsi ümumən yaxşı hal deyil" -Əflatun Amaşov
Polislə Qarabağ əlili əlbəyaxa oldu — VİDEO
Leş ət mafiyasına “kolbasa kralları” himayədarlıq edir
Bakıda icarə haqları kəskin düşür