Xəbərlər
Daha bir neftçinin nəşi TAPILDI
18-02-2017, 14:01
Ötən gün saat 17:20 radələrində Qaradağ rayonu “Pirsaat” qəsəbəsi ərazisində dənizdə sahildən 1 mil aralı məsafədə tapılan meyitin itkin neftçiyə aid olduğu təsdiqlənib. Məhkəmə Tibbi Ekspertiza və Patoloji Anotomiya Birliyində aparılan ekspertizanın nəticəsi bəlli olub.
Birlikdən Xeberman.com -a verilən məlumata görə, meyit ötən ilin dekabr ayında platformanın uçması nəticəsində dənizə düşən 59 yaşlı operator Vidadi Cümşüdoğlu Qurbanovdur. O, sol yanağındakı çapıqdan tanınıb.
Xatırladaq ki, bu vaxta kimi itkin 10 neftçidən cəmi ikisinin meyiti tapılaraq ailəsinə verilmişdi. Onlardan biri operator İlham Qafarovun meyiti faciədən bir gün sonra ailəsinə təhvil verilmişdi. 60 yaşlı operator Hacıəliyev Həsənağa Hüseynağa oğlunun meyiti isə bu ayın əvəllərində dənizdən çıxarılmışdı.
Saat 10:46
Ötən gün balıqçılar tərəfindən Xəzərin Ələt sahilində tapılan kişi meyitinin itkin düşən neftçilərdən biri, operator Vidadi Qurbanova məxsus olduğu ehtimal edilir. Məhkəmə Tibbi Ekspertiza və Patoloji Anotomiya Birliyindən İstipress-ə verilən məlumata görə, hazırda meyit üzərində ekspertiza aparılır.
Xatırladaq ki, 15 dekabr 2016-cı ildə səhər saat 05:00 radələrində Xəzər dənizində 41 metr/saniyə sürəti ilə əsən güclü külək "Azneft" İB-nin N.Nərimanov adına Neft Qaz Çıxarma İdarəsinin 3 saylı Neft Yığım Məntəqəsinin sağ və sol hissəsində yerləşən estakadanın uzunluğu təqribən 150 metr olan hissəsi və ona bitişik olan meydançanı, həmçinin üzərindəki yaşayış budkasını da uçurub.
Hadisə nəticəsində Neft Yığım Məntəqəsinin növbədə olan 5 nəfər və yaşayış budkasında olan 5 nəfər (cəmi 10 nəfər) əməkdaşı itkin düşüb. Bu günə kimi ancaq iki neftçinin meyiti tapılıb.
Qeyd edək ki, Dövlət Dəniz Administrasiyası həyata keçirilən axtarış – xilasetmə əməliyyatları nəticəsində fevralın 17-də saat 17:20 radələrində Qaradağ rayonu “Pirsaat” qəsəbəsi ərazisində dənizdə sahildən 1 mil aralı məsafədə şəxsiyyəti naməlum kişi meyitinin aşkarlanması barədə məlumat yaymışdı. Məlumatda qeyd edilib ki, "Tapılan meyitin, "Azneft" İB-nin N.Nərimanov adına Neft Qaz Çıxarma İdarəsinin 3 saylı Neft Yığım Məntəqəsinin estakadasının uçması zamanı itkin düşən neftçilərə aid olub olmaması müəyyənləşdirilir. Meyitin şəxsiyyəti müəyyənləşdirildikdən sonra ictimaiyyətə ətraflı məlumat veriləcək."
İtkin düşən neftçinin meyiti olduğu rəsmən təsdiqləndi
SOCAR qəzada itkin düşən neftçilərlə bağlı məlumat yaydı
Şirvanda zibillikdən uşaq meyiti tapıldı
Azərbaycanlı biznesmenlərin meyiti çaydan çıxarıldı
Azərbaycanda məmurun meyiti tapıldı
İki ay axtarışda olan kişinin meyiti tapıldı
İş adamının nəşi Azərbaycana gətirildi
Bakıda avtomobildə oğlan və qızın meyiti tapılıb - ADLAR
İtkin düşən neftçilərdən 6-sı eyni kənddəndir
Bakıda kriminal avtoriteti itlərə yem etdilər - FOTOLAR