Media
Balacanın sözləri vyetnamlını ağlatdı – Foto
14-02-2017, 00:03
Kult.az səfərlə bağlı BAMF sədri Umud Mirzəyevin təəssüratlarını təqdim edir:
“Tərtərə bu dəfəki səfərim maraqlı anlarla yadda qaldı. Rəhbəri olduğum BAMF təşkilatına təcrübə üçün gələn ADA universitetinin vyetnamlı tələbəsi Linh Tong Kəlbəcərli məcburi köçkün ailəsindən olan balaca Peymanın hekayəsindən sonra hönkür-hönkür ağlaması məni də kövrəltdi. Peyman erməni işğalı nəticəsində ailəsinin pənah gətirərək Tərtərin Həsənqaya kəndində məskunlaşdıqlarını, bu illər ərzində çəkdikləri əziyyəti və təmas xəttində baş verən qanlı qarşıdurmaları uşaq səmimiyyəti ilə anladırdı. Ling dözməyib Peymanı bağrına basdı və ona xatirə kimi öz papağını hədiyyə etdi. Həqiqətən bizim acılarımız düzgün ünvana çatdırılanda mümkün deyil ki, bu hekayələrdən, xatirələrdən təsirlənməyəsən.
Daha sonra Linh və köməkçim Anastasia V.Lavrina ilə birlikdə Tərtərin Şıxax kəndində də olduq. Onlara kənddə dağıntılara məruz qalan Marağa abidəsini göstərdim və bu abidə haqqında məlumat verdim. Deyərdim ki, məhz XIX əsrin əvvəllərindən başlayaraq Azərbaycanın Qarabağ bölgəsinin dağlıq hissəsinə İrandan və Türkiyədən on minlərlə erməni əhalisinin köçürülməsi və onların bu bölgədə süni surətdə çoxaldılması sonradan Ermənistanın ölkəmizə qarşı ərazi iddiaları ilə nəticələnib. Ermənilərin Qarabağa gəlmə olduqları tarixçilərin tədqiqatlarında da öz əksini tapıb. Tərtərdəki “Marağa – 150” abidəsinin tarixçəsi isə ermənilərin Qarabağa köçürüldüklərini sübut edən faktlardan yalnız biridir.
Hər şeyə rəğmən həyat davam edir. Bu kəndlərdəki bizim insanların gözündə mən ümid işığı gördüm. Məlum olduğu kimi, cənab Prezidentin müvafiq sərəncamlarına əsasən Həsənqaya və Şıxax kəndlərində bir sıra vacib infrastuktur işləri görüləcək. Kəndlərdəki bərpa işləri çərçivəsində Həsənqayada hazırda 3 ev tikilir, daha 18 ev də tikiləcək. Şıxax kəndində isə 78 ev tikiləcək. Bu yaşayış yerlərinin yaxınlığında isə Prezidentin sərəncamına əsasən 1070 ailəlik qəsəbə salınacaq. Yaşamaq və yaşatmaq ümidi ilə biz Tərtərdən ayrıldıq...”
Ermənilər bu gənci belə öldürdülər.
Məhəbbət Kazımovun tələbəsi: “Şahid olduqlarımı onun vasitəsiylə hiss edirəm” – FOTO
Prezident İlham Əliyev cəbhə xəttində: “Azərbaycan bu vəziyyətlə heç vaxt barışmayacaq” (Yenilənib)
Cəbhədən son xəbər
Qazaxda büdcəni məcburi köçkünlərin hesabina doldurmaq istəyirlər
Azərbaycanlı müğənni Türkiyədə böyük marağa səbəb olub – FOTO
Sumqayıtda baş tutan Seminar qeyri adiliyi ilə yadda qaldı
AİP Xocalı faciəsi qurbanlarının abidəsini ziyarət edib
Prezident İlham Əliyev və xanımı Mehriban Əliyeva cəbhə bölgəsinə gediblər
Hicablı qızın arzusu...