TARİXİ ERMƏNİ KİLSƏSİNƏ SAHİB ÇIXAN MƏSCİD İMAMI – FOTO
Türkiyənin Yozqat şəhərində imamlıq edən Metin Halıcı tarixi erməni kilsəsinin baxımını və təmizliyini edir.
"A24.az” Türkiyə mediasına istinadən xəbər verir ki, 1960-cı ilə qədər Yozqatın Sarıkaya mahalında yaşayan, lakin daha sonra fərqli ölkələrə köç edən ermənilər ilin müxtəlif zamanlarında vaxtilə yaşadıqları məhəllələrinə gələrək tarixi kilsələrində ibadətlərini yerinə yetirirlər.
Həmin məhəllədəki məscidin həyətində yerləşən 2 min illik tarixi kilsə məscidin imamı Metin Halıcının səyləri nəticəsində qorunub saxlanılır.
Argentina, ABŞ və fərqli ölkələrin, həmçinin Türkiyənin müxtəlif bölgələrindən gələn ermənilər imam Halıcının təmizlədiyi kilsədə rahat şəkildə ibadətlərini edir.
Təxminən 13 ildir Terzili Məhəlləsindəki məscidin imamlığını edən Halıcı məsciddəki xidmətindən artıq qalan vaxtlarında həftənin müəyyən günlərində kilsəni təmizlədiyini və lazımi baxımlarını etdiyini söyləyib. Hətta imamın həyat yoldaşı və uşaqları da kilsənin təmizliyi üçün ona kömək edirlər.