Azərbaycan güləşçisi dopinqə görə 4 il müddətinə cəzalandırılıb

  • 15:02, 05-yan-2017
  • İdman
  • 90

Azərbaycan güləşçisi dopinqə görə 4 il müddətinə cəzalandırılıb

Azərbaycan yunan-Roma güləşçisi Zubair Dibirov 4 il müddətinə diskvalifikasiya olunub. 

Xeberman.com xəbər verir ki, bu barədə Dünya Güləş Birliyi qərar qəbul edib.

Dibirov 2016-cı il sentyabrın 30-da Fransanın Makon şəhərində start götürmüş gənclər arasında dünya çempionatında dopinq-testdən keçə bilməyib. Onun B testinin Fransanın paytaxtı Parisdə müayinədən keçirilməsi nəticəsində orqanizmindən istifadəsi qadağan olunmuş stanozolol və anabolik steroid aşkarlanıb. Nəticədə gənc pəhləvan 4 oktyabr 2020-ci ilədək bütün yarışlardan kənarlaşdırılıb. Cəza 5 oktyabr 2016-cı ildən qüvvəyə minib. 

Qeyd edək ki, Zubair Dibirov dünya çempionatında 74 kq çəki dərəcəsində mübarizə aparıb. O, 1/4 finalda uduzaraq mübarizəni dayandırıb.  




OXŞAR XƏBƏRLƏR

Digər maraqlı xəbərlərə baxa bilərsiniz