Taleh Qaraşov İlham Əliyevi necə aldatdı? – Foto+Fakt

Mərasimdə "Azərsu” ASC prezidenti Qorxmaz Hüseynov və Lənkəranın icra başçısı Taleh Qaraşov olub.

Miq.az-ın  məlumatına görə, prezidentə kanalizasiya xəttinin bir hissəsinin çəkildiyi barədə məlumat verilib.

Layihə üzrə inşası planlaşdırılan 197 kilometr uzunluğunda kanalizasiya xətlərinin 20 kilometrlik hissəsi çəkilib və 9,4 kilometr uzunluğunda mikrotunel tipli kanalizasiya kollektorunun inşası davam etdirilir.

Lakin T.Qaraşovun İ.Əliyevə verdiyi informasiya yalan çıxır. İcra başçısı prezidenti aldadır və bu günə kimi məsələ ört-basdır olunub.

Doğrudur, mətbuat bu məsələdən üstüörtülü yazıb. Lakin rayon İcra Hakimiyyəti hələ də açıqlama verməyib. Söhbət kanalizasiya xəttinə ayrılan vəsaitin mənimsənilməsindən və bu layihənin dəfn olunmasından gedir.

Belə ki, Lənkəranın yolları qazılıb tökülür, müharibə meydanına çevrilir, kanalizaisya sisteminin quraşdırılması üçün işlərə başlanır.

Di gəl ki, T.Qaraşov fikrindən daşınır və qazılan ərazilər torpaqlanır. O dövrdə Lənkəran küçələri darmadağın olunur, mərkəzi yollar qazıq-qazıq edilir.

Heç zaman kanalizasiya sistemi olmayan şəhərdə bu infrastrukturun yaradılmasına başlanması yerli əhalini də sevindirir.

Amma T.Qaraşov lənkəranlıların sevincini ürəyində qoyur. Kanalizasiya sistemində yuyulan pullar silinir, yollar torpaqlanır.

RİH-dən indiyə qədər izah verilməyib ki, iş niyə dayandırılıb və prezidentin birbaşa maraqlandığı məsələ qapadılıb?!

Miq.az 24saat.org-a istinadən xəbər verir ki,  şəhərə içməli su Xanbulançay su anbarından verilirdi.

Yəni layihə effekt verməyib. Eləcə də 3 il keçməsinə baxmayaraq, mətbuatın da zaman-zaman toxunduğu kanalizasiya sistemi problemi görünür, büdcə pullarını silmək üçün bəhanə imiş…