Mehman Hüseynovun həbsində Məzahir Pənahov şousu

24saat.org saytı xəbər verir ki, dünən gecədən etibarən barəsində heç bir məlumat alına bilməyən blogger Mehman Hüseynovun bu gün 22-ci polis bölməsi tərəfindən saxlanıldığı məlum olduqdan sonra, məsələnin daha maraqlı məqamları ortaya çıxıb.

Məlum olub ki, bloggeri 535.1-ci maddə ilə Nəsimi rayon məkkəməsinin hakimi Babək Pənahov sədrlik edəcək. Adıçəkilən hakimin Mərkəzi Seçki Komissiyasının sədri Məzahir Pənahovun qardaşı oğlu olduğu bildirilir.

Mehman Hüseynovun məhkəmə prosesini ABŞ səfirliyi tərəfindən müşahidə edəcək şəxs də MSK sədri Məzahir Pənahovun digər qardaşı oğlu Hüseyn Pənahovdur.

24saat.org saytı bildirir ki, Mehman Hüseynovun yaxın günlərdə yaymalı olduğu daha bir villa reportajl məhz Məzahir Pənahovun adı ilə bağlı olub. Hazırda keçirilən məhkəmə prosesinin bu məsələyə aidiyyatı olub-olmadığını isə dəqiqləşdirmək mümkün olmayıb.