Ölkə

Bakıda kredit borcu olan müəllim banka hücum etdi - Daşla şüşələrini sındırdı

31-01-2017, 21:06
Bakıda 46 yaşlı qadın banka hücum edib, filialın şüşələrini sındırıb.

Xeberman.com Daxili İşlər Nazirliyinə istinadən xəbər verir ki, Bakıxanov qəsəbəsində yerləşən banklardan birinin filialından polisə "həyəcan” siqnalı daxil olub. Dərhal hadisə yerinə gələn Sabunçu Rayon Mühafizə İdarəsinin əməkdaşları, bankın giriş qapısının şüşəsinin sındırıldığını aşkar ediblər.

Əməkdaşlar obyektin qarşısında olan 1971-ci il təvəllüdlü Flora Qarayevanı əlində daş parçası ilə saxlayaraq ərazi üzrə 13-cü Polis Bölməsinə təhvil veriblər.

Faktla bağlı Sabunçu RPİ-nin 13-cü PB-də araşdırma aparılır.

Qadının bankın şüşələrini sındırması hadisəsi ilə bağlı bəzi məqamlar aydınlaşıb.

Lent.az xəbər verir ki, Bakıxanov qəsəbəsindəki bank filialına hücum edən 46 yaşlı Flora Xəlilovanın orta məktəb müəllimi olduğu üzə çıxıb.

Bildirilir ki, F.Qarayevanın həmin banka kredit borcu olub.

Polis tərəfindən saxlanılan F.Qarayeva daha sonra sərbəst buraxılıb.

Faktla bağlı 13-cü Polis Bölməsinin təhqiqat şöbəsində araşdırma aparılır.

Administratorla əlaqə

077 611-55-22

[email protected]