Həyət evi tikmək istəyənlər - BU XƏBƏRİ MÜTLƏQ İZLƏYİN!

Bu gündən etibarən Bakı ərazisində bələdiyyə torpaqlarında fərdi yaşayış evlərinin o cümlədən digər obyektlərin tikintisi dayandırılır. Buna səbəb həmin ərazilərin kommunal və kommunikasiya sisteminin normal qaydada qurulmasını təmin etməkdir. Görəsən bu qayda hazırda inşası davam edən yaxud yarımçıq qalan tikililərə də şamil ediləcəkmi?

Yanvarın 1-dən etibarən dövlət başçısının fərmanı ilə Bakıda yerli icra hakimiyyətinin bələdiyyə torpaqlarında tikintilərə rəy verilməsi dayandırılır. Buna səbəb ərazilərin mühəndis-kommunikasiya təminatını qaydalara uyğun qurmağı təmin etməkdir.

Yəni əsas məqsəd bələdiyyə torpaqlarında gedən aparılan ev digər obyektlərin tikintilərini dayandırmaq və həmin ərazinin şəhərsalma qaydalarına uyğun tam öyrənilməsindən sonra lazım infrastrukturu rahat şəkildə quraşdırmadır. Bu qərar qanunsuz olaraq bələdiyyə ərazilərində aparılan və başa çatmamış bütün tikililərə də aid edilir. Yəni yanvarın 1-dən aidiyyatı qurumlar gəlib həmin ərazilərdən gedən tikinti işlərini saxlaya bilərlər. Ekspert Ruslan Atakişiyev bildirir ki, bələdiyyə ərazilərində lazımı dövlət infrastrukturu qurulduqdan sonra həmin ərazilərdə tikintilərin bərpa edilməsi mümkün ola bilər.