Bu gün tarixdə: Kim doğuldu, kim öldü...

Fevralın 20-i Dünya Sosial Ədalət Günüdür. BMT-nin Baş Məclisi tərəfindən dünya ictimaiyyətinin yoxsulluqla mübarizə işində səylərini artırmaq və hər kəs üçün iş yerləri, gender bərabərliyi və insan hüquqlarına hörmətə nail olmaq məqsədilə 2009-cu ildə təsis edilib. Bu gün tarixdə baş verən digər hadisələrə də nəzərə salaq:

1948 - İkinci Dünya Müharibəsindən sonra İosif Stalin tərəfindən sosialist düşərgəsinə təzəcə daxil edilmiş Çexoslovakiyada ilk antikommunist çıxışları başlanıb. 1978 - Leonid Brejnev SSRİ-nin ən yüksək hərbi təltifi, "Qələbə" ordeninə layiq görülüb.

1992 -Azərbaycan Respublikası Avstriya ilə diplomatik əlaqələr qurub.

1996 -Azərbaycan Respublikası Sloveniya ilə diplomatik əlaqələr qurub.

Bu gündə doğulanlar:

1844-cü ildə Lüdviq Bolsman - avstriyalı fizik dünyaya göz açıb.

1928-ci ildə Azərbaycanlı şair, dramaturq, tərcüməçi Əliağa Kürçaylı dünyaya göz açıb.

1953- cü ildə alim, tarix elmlər doktoru Solmaz Rüstəmova-Tohidi doğulub.

Bu gündə dünyasını dəyişənlər:

1063 –cü ildə Salar ibn Yezid dünyasını dəyişib

2009 –cu ildə Azərbaycanın ilk siyasi elmlər doktoru Rövşən Mustafayev dünyasını dəyişib.

2014 –cü ildə aktrisa Firəngiz Şərifova dünyasını dəyişib. Nigar Məhərrəm