'Qəbələ' klubunun prezidenti: Çempionla mübarizə aparırdıq və var gücümüzlə vuruşduq

"Report" xəbər verir ki, bu sözləri "Qəbələ" klubunun prezidenti Tale Heydərov Azərbaycan Premyer Liqasının ilk dövrəsinin son turunda "Qarabağ"la ev oyunundan sonra (2:0) verdiyi açıqlamasında bildirib.

Klub rəhbəri daha sonra jurnalistlərin suallarını cavablandırıb:

- Əlbəttə, məqsədimiz çempion olmaqdır. Ən böyük rəqibimiz isə "Qarabağ"dır. Bu komanda üzərində qələbə bizi məqsədimizə doğru aparmağa daha da yaxınlaşdırır. Lakin gələcəkdə çoxlu sayda oyun var. Ona görə də nəsə demək hələ tezdir.

- Xeyr, digər güclü komandalar da var. Gördüyünüz kimi, çox gərgin mübarizə gedir. Lakin bu fikri demək təbiidir. Çünki "Qarabağ" artıq neçənci dəfədir ölkə çempionu olur, bizim kimi Avroliqanın qrup mərhələsində çıxış edir. Ona görə də, ən böyük rəqibimizdir. Lakin biz hər oyunda qələbə qazanmağa çalışır, hər oyuna ciddi yanaşırıq. Yalnız bu formada çempion olmaq mümkündür.

- Əlbəttə, hər iki komanda çox çətin oyunlar keçirdi və qısa fasilədən sonra bir-biri ilə üz-üzə gəldi. Əlbəttə, bu amil oyuna təsirsiz ötüşmədi. Amma məncə, hər iki komanda meydanda böyük əzmlə mübarizə apardı. Lakin ola bilsin, futbolçularda yorğunluq var idi.

- Çox məyus olduq. 2:1 hesabı ilə öndə olduğumuz halda, daha 2 top buraxaraq uduzduq. Bilirdik ki, "Maynts" çox güclü komandadır. Zəif komanda ilə mübarizə aparmırdıq. Özümüzü bir növ qələbəni əldən vermiş komanda kimi hiss etdik. Çalışacağıq ki, gələcəkdə daha mübariz çıxış edərək, qələbə qazanaq.

- Ola bilsin, elə görünürdü. Yaxud baş məşqçimizin tapşırığı idi. Bunu deyə bilmərəm. Amma əlbəttə, ikinci hissə "Qarabağ"ın üstünlüyü, hücumları şəraitində keçdi. Ancaq əsas odur ki, biz qalib gəldik.

- Məncə, bu, "Qəbələ"nin fanatları ilə bağlı məsələ deyil. Təəssüf ki, azərbaycanlı tamaşaçılara xas xüsusiyyətdir. Fikrimcə, bununla bağlı daha çox təbliğat aparılmalıdır. Oyun 90 dəqiqə davam edir. Azarkeşlər nəinki oyunun başa çatmasını gözləməli, hətta futbolçuları paltardəyişmə otağınadək yola salmalı, alqışlamalı, təşəkkürlərini bildirməlidirlər. Məğlub olduqları təqdirdə isə futbolçulara ruh yüksəkliyi verməlidirlər. Yəni, bu, bir təbliğat işidir.

- Bəli, planda var. Biz istəyirik ki, stadionu lazımi tələblərə uyğun quraq. Ümidvarıq ki, gələn mövsümədək bunu edəcəyik.