İdman

Qurban Qurbanov: "Bakıda bizi daha çətin və ağır oyun gözləyir"

12-07-2018, 14:33

"Gözlədiyimiz kimi, ağır qarşılaşma oldu".

"Report"un məlumatına görə, bunu "Qarabağ"ın baş məşqçisi Qurban Qurbanov Sloveniyada "Olimpiya"nı 1:0 hesabı ilə yendikləri Çempionlar Liqasının I təsnifat mərhələsinin ilk oyunundan sonra mətbuat konfransında deyib.

46 yaşlı mütəxəssis bildirib ki, Lyublyana təmsilçisi bir daha yaxşı komanda olduğunu nümayiş etdirib. O, komandasının meydanda çoxlu güc sərf etdiyini də vurğulayıb.

"Düzdür, bu gün (iyulun 11-də - red) minimal hesablı qələbə qazandıq. Amma Bakıda bizi daha çətin və ağır oyun gözləyir. Cavab görüşünə tam ciddi hazırlaşmalıyıq", - deyə baş məşqçi bildirib.

Qeyd edək ki, iyulun 18-də Tofiq Bəhramov adına Respublika stadionunda keçiriləcək "Qarabağ" - "Olimpiya" matçı saat 21:00-da başlanacaq.

« Aprel 2024 »
B.e.	Ç.a.	Ç	C.a.	C	Ş	B
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

Qaynar xəbərlər

Qurban Qurbanov: "Bakıda bizi daha çətin və ağır oyun gözləyir"