Gündəm
İranın Bakıdakı səfirliyinin qarşısında aksiya keçirildi - sәfirliyә tualet fırçası "hədiyyə" edildi
14-11-2015, 14:43
Noyabrın 14-də Milliyyətçi Gənclər Təşkilatı İranın Azərbaycandakı səfirliyi önündə aksiya keçirib.
Musavat.com xəbər verir ki, aksiyada 50-ə yaxın gənc iştirak edib. Onlar "Azərbaycan bir olsun,
mərkəzi Təbriz olsun", "Rus, fars, erməni, bunlar türkün düşməni", "Azərbaycan bir olsun, istəməyən kor olsun" və sair şüarlar səsləndiriblər.
Onların etirazlarına səbəb, 6 noyabr tarixində İranın dövlət kanalı “Kanal 2”-nin “Fitilə” adlı proqramında efirə verilən səhnəcikdir. Səhnəcikdə göstәrilir ki, azərbaycanlı uşaq tualet
fırçası ilə diş fırçasını səhv salır və dişlərini tualet fırçası ilə təmizləyir. Bundan sonra uşağın atası otel sahibindən üzr istəyir və oteldən gələn pis qoxuya uşağın səbəb olduğunu bildirir. Uşaq və atasının dialoqu Azərbaycan dilində verilib.
Bunu təhqir olaraq qiymətləndirən azərbaycanlılar veriliş yayımlanandan sonra Təbriz, Urmiya, Ərdəbil, Zəncan, Qəzvin və digər yerlərdə etiraz aksiyaları keçiriblәr. Həmin etirazlarda yaralanan və saxlanılanlar da var.
MGT üzvlərinin Bakıdakı etirazı da bununla bağlıdır. Təşkilat üzvlərinin musavat.com-a verdiyi məlumata görə, Təbrizdə etirazlar davam etdikcə,
onlar da Bakıdakı İran səfirliyi önündə aksiyalara davam edəcəklər: "Bu bizim məlum hadisədən sonrakı 2-ci aksiyamızdır. İrandakı qardaşlarımız etiraza davam etdikcə, biz də davam edəcəyik".
MGT üzvləri səfirliyə qətnamə təqdim etmək istədilər. Lakin mühafizə polisləri bildirdilər ki, səfirlik qətnaməni qəbul
etmir. Onlar da qətnamə kağızını səfirliyin qapısından içəri atdılar.
Etirazçılar səfirliyə xüsusi "hədiyyə" də hazırlamışdılar. Aksiya iştirakçıları özləri ilə məlum səhnəcikdə göstərilən tualet fırçasından gətirmişdilər. Səfirlik onları qəbul etmədiyi üçün fırçanı səfirliyin qarşısına atdılar.
Bundan sonra aksiya iştirakçıları polislərin nəzarəti altında ərazidən uzaqlaşdılar. Etiraz zamanı saxlanılan olmayıb.
Məhəmməd Türkmən
musavat.com
Güney Azerbaycanda kütləvi aksiyalar -Foto-Video
“Azərbaycan var olsun, istəməyən kor olsun!” Tehrandan dəstək
KXCP – İranın Bakıdakı səfirliyi qarşısında etiraz piketi keçirəcək.
Azərbaycanlı tələbələr Türkiyədə aksiya keçirdilər (FOTO)
Sosial şəbəkələrdə həyata keçirilən “Kəlağayı günü” adlı internet-aksiya davam edir
Binə ticarət mərkəzində aksiya keçirilir
Azərbaycanlı həkimin diaqnozuna türk həkimləri güldülər. Biabırçı diaqnoz.
Şamaxıda seçkiyə qarşı aksiya keçirildi - Video
Azərbaycanlılar Almaniyada mitinq keçirib
6 Avropa paytaxtında fars irqçiliyinə qarşı ertiraz aksiyası keçiriləcək