Dünya
Tbilisi metrosunun sərnişinlərinə maraqlı sürpriz – FOTO
19-04-2017, 22:19
Aprelin 19-da Tbilisi metrosunun sərnişinləri maraqlı aksiya ilə üzləşiblər.
Oxu.Az “Qruziya Online” nəşrinə istinadən məlumat verir ki, sərnişinlər “İntellekt” və “Artanuci” nəşriyyatlarının kitablarını hədiyyə alıblar.
Bundan əlavə onlara aprelin 23-də Mtatsminda Panteonunda keçiriləcək “Ümumdünya Kitab və Müəlliflik Hüququ Günü”nə həsr olunmuş tədbirə dəvətnamə verilib.
Tədbir çərçivəsində Panteonun ərazisində sərgi açılacaq və kitablar endirimlə satılacaq.
Tbilisi meriyası həmçinin “şəhər-kitabxana” layihəsini də gerçəkləşdirir. Layihə çərçivəsində ilin sonuna qədər Tbilisi metrosunun bütün stansiyalarında elektron kitabların yüklənməsi üçün QR-kodlu qurğular quraşdırılacaq. Ümumilikdə şəhərdə 300 elektron kitabxananın istifadəyə verilməsi planlaşdırılır.