Dünya
Türkiyədə keçirilən referendumun ilkin nəticələri açıqlanıb – YENİLƏNİB
16-04-2017, 22:10
Türkiyədə keçirilən referendumda səslərin 96 faizinin hesablanmasından sonra əhalinin 51,49 faizi konstitusiyaya düzəlişləri dəstəkləyir.
Oxu.Az Report-a istinadən xəbər verir ki, seçicilərin 48,51 faizi dəyişikliklərin əleyhinə səs verib.
20:19
Türkiyədə bu gün Konstitusiya dəyişikliyi ilə əlaqədar keçirilən referendumunda bülletenlərin 81 faizi sayılıb.
Oxu.Az APA-ya istinadən xəbər verir ki, bülletenlərin 81 faizinin sayılmasından sonra seçicilərin 53.6 faizi Konstitusiya dəyişikliyinin lehinə, 46.4 faizi əleyhinə səs verib.
Qeyd edək ki, referendumda Konstitusiyanın 18 maddəsinin dəyişdirilməsi nəzərdə tutulub. Bunlar Türkiyədə parlament idarəçilik sistemindən prezident üsul-idarəsinə keçid, baş nazir vəzifəsinin ləğvi, Böyük Millət Məclisi üzvlərinin sayının 550 nəfərdən 600 nəfərə çatdırılması, millət vəkili seçilmə yaşının 18-ə endirilməsi, Məhkəmə-Hüquq Şurasının səlahiyyətlərinin dəyişdirilməsi və digər maddələrdir.
18:13
Türkiyədə ölkə konstitusiyasına düzəlişlərlə bağlı referendum başa çatıb.
Oxu.Az xəbər verir ki, ölkənin seçki məntəqələri saat 19:00-da (Bakı vaxtı ilə saat 18:00-da) qapanıb.
09:24
Bu gün Türkiyədə Konstitusiya dəyişikliyi ilə əlaqədar referendum keçirilir.
Oxu.Az APA-ya istinadən xəbər verir ki, ölkənin əksər bölgələrində isə səsvermə yerli vaxtla 08.00 başlayıb, saat 17.00-da başa çatacaq.
Türkiyənin şərqində və Qara dəniz bölgələrində isə səsvermə yerli vaxtla saat 07.00-da başlayıb, 16.00-da bitəcək. Ölkə xaricində yaşayan Türkiyə vətəndaşları artıq səs veriblər. Həmin səslərin nəticəsi ölkədə ümumxalq səsverməsinin nəticələri ilə eyni vaxtda açıqlanacaq.
Referendumda Konstitusiyanın 18 maddəsinin dəyişdirilməsi nəzərdə tutulub. Bunlar Türkiyədə parlament idarəçilik sistemindən prezident üsul-idarəsinə keçid, baş nazir vəzifəsinin ləğvi, Böyük Millət Məclisi üzvlərinin sayının 550 nəfərdən 600 nəfərə çatdırılması, millət vəkili seçilmə yaşının 18-ə endirilməsi, Məhkəmə-Hüquq Şurasının səlahiyyətlərinin dəyişdirilməsi və digər maddələrdir.
Türkiyədə seçkilərin nəticələri açıqlanır - Bülletenlərin 87%-i sayılıb/VİDEO,YENİLƏNİR
Türkiyədə referendumda səsvermə başa çatıb
Sabah Türkiyədə Konstitusiya dəyişikliyi ilə bağlı referendum keçiriləcək
Türkiyədə seçkilərin vaxtı açıqlanıb
Rövnəq Abdullayev necə rəhbərlər rəhbəri olub?
Türkiyə prezidenti Rəcəb Tayyib Ərdoğan referendumda səs verib
Azərbaycan əhalisinin sayı açıqlandı
26 sentyabr referendumu ilə bağlı Milli Şuranın bəyanatı
Türkiyədə Millət vəkili özünü kürsüyə qandalladı – VİDEO
Azərbaycanda oğlan uşaqları daha çox piylənməyə məruz qalır