Dünya
İranda daşqınlar nəticəsində ölənlərin sayı 35-ə yüksəlib - YENİLƏNİB
15-04-2017, 20:03
İranın Şərqi Azərbaycan və Kürdüstan əyalətlərində sel nəticəsində ölənlərin sayı 35-ə yüksəlib.
APA-nın Tehran bürosunun məlumatına görə, İranın şimal-qərbində baş vermiş təbii fəlakət nəticəsində daha bir neçə nəfər itkin düşüb.
Ölənlər Kirmanşah əyalətinin, Şərqi Azərbaycan əyalətinin Azərşəhr və Əcəbşir şəhərlərinin sakinidir.
İran prezidenti təbii fəlakət bölgəsinə xüsusi nümayəndələr göndərib.
Təbriz şəhərində də sel evlərə ziyan vurub.
İranın Qərbi Azərbaycan əyalətinin Urmiya şəhərində sel bir neçə körpünü dağıdıb, bir neçə kəndin əhalisi evakuasiya olunub.
Ölü və itkin sayının artacağı ehtimal olunur.
Qeyd edək ki, İranda güclü yağışlar nəticəsində bəzi çaylar məcrasından çıxıb, yaşayış məntəqələrinə ciddi ziyan dəyib.
***
saat 12.04
İranın şimal-qərbində baş verən təbii fəlakət nəticəsində ölənlərin sayı 17 nəfərə çatıb.
APA-nın “RİA-Novosti”-yə istinadən verdiyi məlumata görə, bu barədə hadisənin baş verdiyi Şərqi Azərbaycan Vilayətinin rəhbərliyin açıqlamasında bildirilir.
“Hazırda Əcəbşir rayonunda 14 nəfərin meyiti tapılıb, daha üç nəfərin meyiti Azərşəhr dairəsində sudan çıxarılıb. Axtarış-xilasetmə işləri davam edir. Sel daşqınları nəticəsində 37 nəfər zərər çəkib”, - deyə məlumatda qeyd olunub.
İranın Məşhəd şəhərində zəlzələ olub
Təbii fəlakət nəticəsində avtomobil yollarına dəymiş ziyan aradan qaldırılır.
İtaliyada zəlzələ nəticəsində ölənlərin sayı 278 nəfərə çatıb
Baş verən bina uçqununda ölənlərin adları açıqlandı
İsmayıllıda 10-dan çox kəndi sel basdı: yollar, körpülər dağıldı
Bağdadda terror aktında ölənlərin sayı 32-yə çatıb - YENİLƏNİB
Sudanda daşqınlar nəticəsində 100 nəfər ölüb
Moskvada anbarda baş verən yanğın zamanı ölənlərin sayı 17 nəfərə çatıb - YENİLƏNİB
Daşkəsəndə güclü qasırğa: dağıntılar var - Foto
Bakı-Sumqayıt yolunda faciəvi yol qəzası -5 tələbə ölüb, 21 nəfər xəsarət alıb (VİDEO)