Dünya

Davudoğlu sözünü geri götürdü: "Təyyarəni vurmaq əmrini mən verməmişəm"

31-12-2015, 13:40
Türkiyənin baş naziri Əhməd Davudoğlu bildirib ki, Rusiyanın Su-24 bombardmançı təyyarəsini vurmaq əmrini o verməyib.

Bu haqda RİA Novost xəbər verir.

"Mən 17 saniyə ərzində bu əmri necə verə bilərdim? Mümkün deyil axı. Baş nazir təhlükələrə reaksiya verilməsi qaydalarının qüvvəyə minməsini təsdiqləyir. Bu qaydalar da yeni deyil. Həmin hadisədən iki gün əvvəl Baş Qərargah bu qaydaların tətbiq olunması səlahiyyətlərini ölkənin Hərbi Hava Qüvvələri komandanlığına ötürmüşdü",- deyə baş nazir bildirib.

Bununla belə, Davudoğlu deyib ki, təyyarənin vurulmasını düzgün sayır, çünki "Ölkənin hava məkanını müdafiəsiz qoymaq olmazdı".

Qeyd edək ki, hadisədən dərhal sonra baş nazir qırıcının vurulması əmrini şəxsən verdiyini bəyan etmişdi.

Administratorla əlaqə

077 611-55-22

[email protected]