Xəbərlər
Gözəl Bayramlının həbsi ilə bağlı apellyasiya şikayəti verilib
30-05-2017, 14:04
AXCP sədrinin müavini Gözəl Bayramlı barədə həbs qətimkan tədbiri seçilməsindən, mayın 25-də gömrük məntəqəsində saxlanılmasından, ona qarşı qeyri-insani rəftar edilməsindən verilən şikayət Bakı Apellyasiya Məhkəməsinə daxil olub.
Bu barədə vəkil Elçin Sadıqov facebook səhifəsində bildirib.
Onun sözlərinə görə, apellyasiya şikayətinə mayın 31-də və yaxud iyunun 1-də baxılacaq.
Vəkil Bayramlının yaşadığı evdə axtarış və götürmə aparılmasından da apellyasiya şikayəti verib.
“Axtarış və götürmə ilə bağlı məhkəmə qərarı təqdim etmişdilər. Hansı ki, axtarış və götürmə üçün qanuni əsaslar mövcud deyildi. Bununla bağlı da şikayətimiz bu gün Bakı Apellyasiya Məhkəməsinə daxil olub”, o qeyd edib.
Gözəl Bayramlı mayın 25-də Gürcüstandan Azərbaycan ərazisinə keçərkən Qazax rayonunun Şıxlı sərhəd nəzarət buraxılış məntəqəsində (Bakıdan 536 kilometr qərb) Dövlət Gömrük Komitəsinin əməkdaşları ilə birgə keçirilmiş tədbirlər nəticəsində saxlanılıb.
"G. Bayramlı özünü şübhəli apardığına görə əl yükünə baxış keçirilərkən bəyan edilməmiş 12 min ABŞ dolları məbləğində pul vəsaiti aşkar olunaraq götürülüb. Faktla bağlı Dövlət Sərhəd Xidmətinin İstintaq və Təhqiqat İdarəsində Cinayət Məcəlləsinin 206.1-ci (qaçaqmalçılıq) maddəsi ilə cinayət işi başlanıb", Dövlət Sərhəd Xidməti bildirib.
Mayın 26-da Səbael rayon Məhkəməsi Bayramlı barəsində 3 ay həbs-qətimkan tədbiri seçib.
Vəkil Elçin Sadıqov məhkəmənin qərarını siyasi motivli kimi qiymətləndirib.
“Cinayət Məcəlləsinin 206-cı (qaçaqmalçılıq) maddəsilə başlanmış işlərdə söhbət ölkəyə pul gətirilməsi və ya aparılmasından gedəndə adətən istintaq dövrü üçün həbs qətimkan tədbiri seçilmir. Sonda məhkəmələr də həbslə bağlı olmayan, şərti cəza verir. Amma Gözəl Bayramlı ilə bağlı iş siyasi motivli olduğundan fərqli davranılır”, o qeyd edib.
AXCP sədri Əli Kərimli müavini Gözəl Bayramlının həbsini siyasi sifariş kimi qiymətləndirib ("Amerikanın səsi").
Gözəl Bayramlı Bakı İstintaq Təcridxanasına köçürülüb
Gözəl Bayramlının çantasından 12 min dollar çıxıb - Rəsmi açıqlama
Əli Kərimlinin müavininin niyə saxlanıldığı bilindi - DTX Bakıya gətirir
Fikrət Fərəməzoğlu Avropa Məhkəməsinə müraciət edəcək
Fikrət Fərəməzoğlu barəsində olan məhkəmə qərarından apellyasiya şikayəti verib
Hüquq Müdafiəçisi, Oqtay Gülalıyev: Gözəl Bayramlını DTX əməkdaşları dindirir (YENİLƏNİR)
Mehman Hüseynovun apellyasiya şikayəti üzrə məhkəmə başlayıb
İlqar Məmmədov və Tofiq Yaqublunun şikayəti təmin edilməyib
Lapşin apellyasiya şikayəti verib
İlham Mirzəyevin şikayəti təmin edilməyib