Xəbərlər / Media
Mətbuat Şurasının rəhbəri Əflatun Amaşov Mariya Zaxarovanın hərəkətini pislədi
28-04-2017, 21:26
Azərbaycan Mətbuat Şurası (MŞ) Rusiya Xarici İşlər Nazirliyinin mətbuat xidmətinin rəhbəri Mariya Zaxarovanın Azərbaycan jurnalistlərinin ünvanına söylədiyi fikirlərlə bağlı bəyanat yayıb.
MŞ-dan Xeberman.com-a verilən məlumata görə, bəyanatda bildirilib ki, M. Zaxarovanın azərbaycanlı jurnalistin Dağlıq Qarabağdakı separatçı rejim tərəfindən girov saxlanılan Rusiya vətəndaşı Dilqəm Əsgərovla bağlı sualına münasibəti, bu xüsusda Azərbaycan jurnalistlərinə ünvanladığı aşağılayıcı fikirlər təəssüf doğurur. Şura Zaxarovanın bu mövqeyini qətiyyətlə pisləyir.
Təşkilat hesab edir ki, M. Zaxarovanın fikirlərində aşkar nəzərə çarpan təzyiq, təhdid və təhqir meylləri onun ümumən Dağlıq Qarabağ həqiqətlərinə biganəliyindən, məsələnin həssaslığına əhəmiyyətsiz yanaşmasından və öz baxışlarını diktə etmək iddiasından irəli gəlir:
“Belə mahiyyət obyektivlik axtarışında olan və bunun üçün peşə borcunu yerinə yetirən azərbaycanlı jurnalistin sualına nalayiq reaksiyanı doğurub. Azərbaycan Mətbuat Şurası bu qənaətdədir ki, hər bir jurnalist fikirlərini ifadə etməkdə, sualını ünvanlamaqda sərbəstdir. Erməni əsirliyində saxlanılan Rusiya vətəndaşı Dilqəm Əsgərovun taleyi isə Azərbaycanı düşündürdüyü qədər Rusiyanı və bu ölkənin cəmiyyətini də düşündürməlidir. Azərbaycanlı jurnalist sualını məhz bu ictimai motivi əsas tutaraq ünvanlayıb”.
Bəyanatda qeyd olunur ki, M. Zaxarovanın əslən azərbaycanlı olan Rusiya vətəndaşının taleyinə biganəlik kimi qiymətləndiriləcək düşüncəsi heç bir diplomatik davranış tərzinə və mənəvi normalara uyğun deyil.
Mariya Zaxarova Azərbaycan jurnalistlərini təhqir etdi- VİDEO
Ermənistandan Rusiya XİN-ə sərt cavab
"Jurnalist həbsi ümumən yaxşı hal deyil" -Əflatun Amaşov
Əflatun Amaşov jurnalistin işdən çıxarılmasından danışdı
Mətbuat Şurası KİV-ə çağırış etdi - CƏBHƏDƏ BAŞ VERƏNLƏRLƏ BAĞLI
Rusiya XİN: Dilqəm Əsgərov Lapşin kimi tövsiyyəyə əməl etməyib
Əflatun Amaşov : Düşmən girov götürdü, bizimkilər erməniyə işlədi
Eldar Səmədov: “Girovluqda olan Dilqəm Əsgərov və Şahbaz Quliyevin səhhətində problem var”
“Atama verilən işgəncələr Lapşinə verilsin” – Dilqəm Əsgərovun oğlu
Türkiyə ordusu Qarabağa daxil olacaq - MƏXFİ PLAN