Xəbərlər
Ötən ay fərdi uçot sistemində əlavə olaraq 37 846 nəfər şəxsi hesab açılıb
2-03-2017, 11:28
Nazirliyin İctimaiyyətlə əlaqələr şöbəsindən Xeberman.com-a verilən məlumata görə,Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun fərdi uçot sistemində əlavə olaraq fərdi şəxsi hesab açılanların sayında artım dinamikası cari ilin fevral ayında da davam edib. Ötən ay sistemdə əlavə olaraq 37 846 nəfər şəxs qeydiyyata alınıb ki, bu da əvvəlki yanvar ayı (21 545 nəfər) ilə müqayisədə 75,7 faiz çoxdur.
Beləliklə, 01 mart 2017-ci il tarixinə fərdi uçot sistemində qeydiyyatda olan vətəndaşların sayı ötən ilin müvafiq dövrü ilə müqayisədə 6,9 faiz çox, yəni 3 431 299 nəfər təşkil edib. Onlardan 59,5 faizi kişilər, qalanları isə qadınlardır.
Sığortaolunanlar arasında 30 yaşa qədər olanlar 685 226 nəfər (20 faiz), 30-40 yaşlarında olanlar 885 389 nəfər (25,8 faiz), 40-50 yaşlarında olanlar 682 563 nəfər (19,9 faiz), 50-60 yaşlarında olanlar 715 281 nəfərdir (20,8 faiz). Qalan sığortaolunanlar 60 yaşdan yuxarı olan şəxslərdən ibarətdir.
Fərdi uçot sistemi Azərbaycanın sığorta-pensiya sisteminin vacib elementi olmaqla, əmək pensiyası və digər sosial müdafiə hüquqlarının təmin edilməsi üçün hər bir sığortaolunan haqqında məlumatların uçotunun təşkili və aparılmasına xidmət edir. Sistemdə uçota alınan hər bir sığortaolunan üçün fərdi şəxsi hesab açıldıqdan sonra bunu təsdiqləyən sosial sığorta şəhadətnaməsi rəsmiləşdirilir və sığortaolunana təqdim edilir.
Sığortaolunan onun üçün açılmış fərdi şəxsi hesabında gələcək pensiya təminatı üçün kapitalı toplamaq imkanı əldə edir. Əmək və Əhalinin Sosial Müdafiəsi Nazirliyinin “Sığortaolunanlara məlumatların verilməsi” elektron xidməti vasitəsilə sığortaolunan fərdi şəxsi hesabındakı öz pensiya kapitalının toplanmasına mütəmadi nəzarəti də həyata keçirə bilir.
Son bir ayda onların sayında artım 16 001 nəfər təşkil edib
Ərəb ölkələrindən Azərbaycana gələn turistlərin sayının kəskin artmasının səbəbi məlum olub
Prezident İlham Əliyev əmək haqlarını və təqaüdləri artırdı - SƏRƏNCAM
Azərbaycanın kənd yerlərində ana ölümlərinin sayı artıb
Azərbaycanda maaş və pensiyalar artırıldı - Prezident sərəncam verdi
Orta aylıq əmək haqqı 50 qəpik artıb
Əməkhaqqı 11 manat artdı
Azərbaycan əhalisinin sayı açıqlandı
Son iki ayda bədbəxt hadisədən ölüb
Azərbaycanda multimilyonerlərin sayı AÇIQLANDI