Vəkil: Jurnalistə bəraət verilməlidir - VİDEO

 
Bakı Ağır Cinayətlər Məhkəməsində Xeberman.com saytının təsisçisi və baş redaktoru Polad Aslanovun işi üzrə məhkəmə prosesində vəkil müdafiə nitqi söyləyib.
Məhkəmə prosesi açıq olsa da, pandemiya səbəbindən məhkəmə zalına media nümayəndələri buraxılmayıb.
Prosesdən sonra jurnalistlərə açıqlama verən Polad Aslanovun həyat yoldaşı deyib ki, vəkil məhkəmədə Polad Aslanovun əməlində Cinayət tərkib olmadığnı və onun barəsində bəraət hökmünün çıxarılmasını istəyib.
"Məhkəmə istintaqı yarımçıq aparılıb. 6 nəfər şahidi məhkəmə dindirməyib, Polad Aslanovun telefonunun ekspertizası keçirilməyib, yazdığı yazıların politoloji ekspertizası keçirilməyib. Polad Aslanovun əməlində Cinayət tərkibi yoxdur, Poladla bağlı Sərhədsiz Repartyorlar və Jurnalistlərin Müdafiə Təşkilatı bəyanat verib. Azərbyacn hökumətindən Polad Aslanova bəraət verilməsini tələb edib. Əslində Polad Aslanova istənilən hökm oxuna bilər. Onu qeyd edim ki, bu hökm tək jurnalist Polad Aslanova oxunmayacaq və bunu Azərbaycan xalqının diqqətinə çatdırıram ki, Polad Aslanova oxunacaq hər bir hökm gələcəkdə dövlət strukturlarında olan korrupsiya, rüşvət, monopoliya ilə bağlı yazı yazan hər bir jurnalistə oxunacaq hökm olacaq.”
Növbəti məhkəmə prosesi noyabrın 16-də davam edəcək.