Əsas Səhifə / İqtisadiyyat
Cavid Qurbanovun bankı ləğv edildi - rəsmi
24-01-2016, 23:23
Azərbaycan Mərkəzi Bankının (AMB) İdarə Heyətinin 22 yanvar 2016-cı il tarixli, 05/5 nömrəli qərarı ilə məcmu kapitalın minimum məbləği tələbinə əməl etmədiyinə, kreditorları qarşısında öhdəliklərini icra edə bilmədiyinə, cari fəaliyyətini etibarlı və prudensial qaydada idarə etmədiyinə görə "Gəncəbank” ASC-nin bank lisenziyası ləğv edilib.
AMB-dən "APA-Economics"ə verilən məlumata görə, "Banklar haqqında” qanununun 51-ci və 52-ci maddələrinə uyğun olaraq 25.01.2016-cı il tarixdən banka müvəqqəti inzibatçı təyin edilib.
Mərkəzi Bank bildirir ki, "Gəncəbank” ASC-də Əmanətlərin Sığortalanması Fondu tərəfindən əhalinin qorunan əmanətləri üzrə qanunvericiliyə müvafiq olaraq kompensasiyaların ödənişi həyata keçiriləcək.
İstiqlal.az bildirir ki, "Gəncəbank” ASC-nin səhmələrinin 33,3 faizi "Azərbaycan Dəmir Yolları" ASC-nin sədri Cavid Qurbanovun atası Qurbanov Qənbər Şəmşir oğluna məxsusdur. Bu barədə bankın rəsmi saytında da (https://www.gandjabank.az/?/az/content/165/) məlumat verilib.
C.Qurbanovun atası Q.Qurbanov Sovet nomenklaturasına daxil olan bir şəxsdir. 1933-cü il təvəllüdlü Q.Qurbanov Ağdam Müəllimlər İnstitutunu, Azərbaycan Pedaqoji İnstitutunu, Sov. İKP MK yanında Ali Partiya Məktəbini bitirib. 1975-1989-cu illərdə Kəlbəcər rayon İcraiyyə Komitəsinin, 1989-cu ildən sonra isə Gədəbəy rayon İcraiyyə Komitəsinin sədri olub. İndi təqaüdçüdür. Təbii ki, 80 yaşlı Q.Qurbanovun bankın idarə etməsi ilə məşğul olması real deyil - bankın idarəetməsini onun oğlu Cavid Qurbanov həyata keçirir.
"Gəncəbank” ASC 28 fevral 1994-cü ildə yaradılıb. Azərbaycan ərazisində paytaxtdan kənarda - Gəncədə fəaliyyət göstərən yeganə bankdır (46 kommersiya bankının 45-i paytaxt Bakı şəhərində fəaliyyət göstərir). Bəzi məlumatlara görə, "Gəncəbank” elə şübhəli maliyyə əməliyyatlarının keçirilməsi üçün təsis edilib və buna görə də paytaxtdan kənarda fəaliyyət göstərməsi "məsləhət” bilinib.
Azərbaycanda daha 2 bank bağlandı
Daha hansı banklar bağlana bilər? – SİYAHI
Bağlanan bankın kreditorlarına müraciət edildi
Azərbaycanda 4 bank bağlandı
Azərbaycanda 11 bank ləğv olunur- SİYAHI
Bağlanan bankların müştərilərinin DİQQƏTİNƏ!
“Bank Standart”ın lisenziyası 1 oktyabr tarixində ləğv edilib.
Dollar nə üçün birdən bahalaşdı?
Cavid Qurbanovu Sürət Hüseynova nə bağlayır?
“Bəzi bankirlərin də cəzalandırılacağı gözlənilir”