Əsas Səhifə / Xəbərlər
Dekan müavini tələbələri hədələyir – AUDİO
23-01-2017, 17:08
Xeberman.com Abzas.net-ə istinadən xəbər verir ki, bu sözləri Bakı Dövlət Universitetinin Jurnalistika fakültəsinin dekan müavini Aytəkin Zeynalova tələbələrə səsli mesaj göndərərək bildirib.
2013-cü ildə vəzifəyə təyin olunan gənc dekan müavini tələbələrdən tələb edir ki, dekanlıq haqqında sosial şəbəkələrdə bir cümlə belə yazmasınlar. Əgər kim tənqid etsə, şəxsən onun təqdimatı ilə həmin tələbəyə töhmət verdirəcəyini bildirib.
Dekan müavini bildirir ki, nizam-intizam işlərinə o baxır: “Şəxsən mən nizam-intizam qaydalarını pozduqlarına görə, dekanlığın, mətbəxin məlumatını çölə çıxardıqlarına görə, onlara töhmət verdirəcəm. Bax sizə axırıncı dəfə deyirəm”.
Aytəkin Zeynalova səsli mesajında bildirib ki, tələbələrdən birinə dişinin dibindən çıxanı deyib. O bildirib ki, Leyla adlı tələbənin yazdığı statusa görə dünən onun təzyiqi qalxıb: “Utanmazlar, ayıb olsun sizə!”
“Qeyri-obyektivliklə o boyda universitetin mətbuat xidmətinin rəhbərini, Cahangir müəllimi məzəyə qoyublar. Utanmırlar, Könül xanımı məzəyə qoyublar ki, guya, qeyri-obyektiv yoxlayıblar. İndi də bu Fuad özündən alim olub, deyir dekanlıq hara baxırdı. Yox, dekanlıq oturub səni güdəsiydi, sən imtahanda nə edirsən”.
Aytəkin Zeynalova tələbələrə xəbərdarlıq edib ki, bir nəfər dekanlıq, hətta tutorlar haqqında “Facebook”da tənqidi fikirlər paylaşdıqda onlarla bağlı ciddi tədbir götürüləcək.
Aytəkin Zeynalova 1982-ci ildə Bakı şəhərində anadan olub. 1999-2004-cü illərdə Bakı Dövlət Universitetinin Jurnalistika fakültəsinin bakalavr, 2004-2006-cı illərdə isə həmin universitetdə magistratura təhsilini alıb. 2007-ci ildə BDU-nun Beynəlxalq jurnalistika kafedrasının doktorantı olub.
Aytəkin Zeynalova əmək fəaliyyətinə də BDU-da başlayıb. O, 2006-cı ildə Beynəlxalq jurnalistika kafedrasında baş laborant kimi fəaliyyətə başlayıb, 2011-ci ildə həmin universitetin “TEM-də Tyutorların əlaqələndirilməsi və nəzarət qrupu”nun rəhbəri olub, 2013-cu ildə isə universitetin Jurnalistika fakültəsində dekan müavini təyin olunub.
BDU-nun bu fakültəsində nə baş verir? – Dekan və müavini işdən ayrıldı
BDU-nun Jurnalistika fakültəsinin rus dili bölməsi bağlana bilər
Gəncədə universitet tələbələri ayağa qalxdı
Gəncə Dövlət Universitetində dekan İldırım Qasımovun özbaşınalıqları bitmək bilmir
GDU-nun təkcə bir fakultəsində 80-ə yaxın tələbə aylığa buraxılıbmış
Şamaxıda rəzalət FOTO
Azərbaycanda 9 əməkdaş prokurorluq orqanlarından xaric edilib
Hansı səfir müavini diplom almaq üçün rüşvət verdi? - Azərbaycanda
İbrahim Cəfərov Rəsul Quliyevi dəstəkləyir - Eks spikerin dostu Elman Mövsümov dekan təyin olunub