Əsas Səhifə / Avto

Sumqayıt MERO-da qalmaqal

25-12-2015, 21:40
Sumqayıt MERO-da qalmaqalVətəndaş iki dəfə verdiyi imtahandan keçə bilmədi, B kateqoriyalı sürücülük vəsiqəsinə görə, 978 manat pulunu aldılar
Sumqayıt 1 saylı Rayonlararası Qeydiyyat-İmtahan Şöbəsində qalmaqal yaşanıb. Qalmaqala səbəb iki dəfə imtahan verərək, sürücülük hüququna sahib ola bilməyən vətəndaşdan 978 manatın alınması olub.
Sumqayıt MERO-da şöbənin rəisi «Polad» ləqəbli Mirəli Şıxəliyevin sürücülük vəsiqəsi biznesinə maklerlər nəzarət edirlər. Bizə məlumat verən şəxsin sözlərinə görə, əsas missiyanı Anar adlı makler həyata keçirir və o, sürücülük vəsiqəsi almaq istəyənlərə təkliflər gətirir.
Məlumatda deyilir ki, əvvəllər B kateqoriyala sürücülük vəsiqəsinə sahib olmaq istəyən şəxsin bunun üçün 500-600 manat xərci çıxırdısa, hazırda həmin məbləğ 900-1000 manata qaldırılıb. «Anar adlı makler bizə bildirdi ki, MERO-nun rəis müavini İlkin sürücülük vəsiqəsi üçün 1000 manat istəyir. Uzun çək-çevirdən sonra isə qiyməti 978 manata endirdilər. Anar, həm də sürücülük məktəbinin nümayəndəsidir».
Mənbə iki dəfə imtahan verdiyini, lakin pul vermədiyi üçün kəsildiyini vurğulayıb. O qeyd edib ki, 978 manat ödədikdən sonra sürücülük vəsiqəsi ala bilib.

Administratorla əlaqə

077 611-55-22

[email protected]