Bərdə rayonunda 5 oktyabr -Beynəlxalq Müəllim Gününə həsr edilmiş tədbir keçirilmişdir.
Tədbirdən əvvəl rayonun bir qrup
qabaqcıl müəllimi ümummilli lider Heydər Əliyevin heykəli önünə tər gül-çiçək
dəstələri qoyaraq xatirəsini yad etmişlər.
Tədbirdə rayon İcra
Hakimiyyətinin başçısının müavini, YAP rayon təşkilatının sədri Fəqət
Şadlinskaya, rayonun ümumtəhsil və musiqi məktəblərinin, Bərdə Dövlət
İdarəetmə və Texnologiya Kollecinin, Peşə liseyinin kollektivlərindən bir qrupu, idarə,
müəssisə və təşkilatların rəhbərləri, ictimaiyyətin nümayəndələri və KİV
təmsilçilər iştirak etmişlər.
Tədbiri rayon Təhsil şöbəsinin
müdiri Rzaqulu Şərifov açmışdır. Tədbirdə 5 saylı tam orta məktəbin müəllimi Allahverdiyeva
Məfkurə, Samux kənd tam orta məktəbin müəllimi Məmmədova Samirə çıxış etmiş, müəllim əməyinə verilən qiymətə
görə ölkə rəhbərinə minnətdarlıqlarını bildirmişlər.
Rayon İcra Hakimiyyətinin başçısının müavini Fəqət Şadlinskaya
çıxış edərək rayon müəllimlərini 5 oktyabr –Beynəlxalq Müəllimlər günü
münasibəti ilə təbrik etmiş, əsası ulu öndər H.Əliyev tərəfindən
qoyulan milli təhsil konsepsiyasından, möhtərəm Prezidentimiz cənab
İlham Əliyevin rəhbərliyi altında aparılan dövlət təhsil siyasətinin
uğurlarından, H.Əliyev Fondunun Prezidenti M.Əliyeva tərəfindən təhsillə bağlı
həyata keçirilən coxsaylı layihələr barədə, həmçinin müəllim əməyinə dövlət
səviyyəsində verilən qiymətdən və rayon müəllimlərinin qazandığı uğurlardan
danışmışdır.
Sonda rayonun qabaqcıl müəllimlərindən bir qrupuna
Fəxri-fərman və hədiyyələr təqdim edilmiş, məktəblilər kompozisiya ilə müəllimləri təbrik etmişlər.