İslam
TİFLİS ƏEHLİ-BEYT MESCİDİNDƏ FİTR BAYRAMI QEYD OLUNDU
6-07-2016, 19:48
Xeberman.com saytının verdiy məlumata görə, bu gün Tibilisinin Poniçala (Soğanlıq) qəsəbəsində yerləşən "əhli-beyt” məscidində Fitr bayramı qeyd olunub. Məclis Qari İlkin Həsənovun Quran tilavəti ilə başlayıb, təkbirlər oxunub. İlahiyyatcı Hacı Qurban Murquzovun imamlığı ilə bayram namazı qılınıb. Namaz bitdikdən sonra H.Qurban xütbəsində Fitr bayramının fəlsəfəsini açıqlayıb. Xütbənin davamında, son günlər, Müqəddəs ayda qonşu Türkiyə və Bağdad və Mədinə şəhərində baş verən terror hadisələrinə toxunaraq müsəlmanların problemlərindən danışıb. Daha sonra Məscidin axundu Rahid Kərimov dualar oxuyaraq məclis sona çatıb. İştirakçılara bayram süfrəsi açılıb və yüzə yaxın fəqir ailəyə bayram töhvəsi paylanıb.