Ölkə

ANS-in prezidenti də gənc blogger Mehman Hüseynovun müdafiəsinə qalxdı

11-01-2017, 20:34

ANS-in prezidenti də gənc blogger Mehman Hüseynovun müdafiəsinə qalxdıLisenziyası ləğv edilən "ANS Müstəqil Yayım və Media” Şirkətinin prezidenti Vahid Mustafayev də tanınmış blogger Mehman Hüseynovun müdafiəsinə qalxıb.

Xeberman.com-uun məlumatına görə  o, özünün "Facebook” səhifəsində bununla bağlı status yazıb.

Tanınmış telejurnalistin statusunu olduğu kimi təqdim edirik:

"Çox təəssüf edirəm ki, bizim, uğrunda vuruşduğumuz doğma Azərbaycanımızda Mehman Hüseynovun başına gələn hadisə yer alıb.
Adam itir, sonra tapılır… Mən Mehman Hüseynovu şəxsən tanımasam da, sosial şəbəkədən onun "Rembo” və ya "Komandos” olmadığının şahidi oldum. Axı niyə bu gəncə qarşı səkkiz nəfər maskalı adam əməliyyat aparmalı idi, niyə bunu şəffaf şəkildə yaxınlaşıb, vəsiqə təqdim edərək bölməyə dəvət etmək olmazdı…
Ola bilər ki, kimsə nəyisə anlamasın… Bunun üçün hər bir sivil cəmiyyətdə olduğu kimi, bizim Azərbaycanda da ziyalılarımız və aydınlarımız var, həmin hadisədə iştirak edənlərin müəllimləri və valideynləri var.
Yadımdadır, dostum Mir Şahin 1992-ci ildə ANS-in proqramlarının birində liftə minməyə tələsənlərə bir sual vermişdi: "Cənablar, deməzsiniz, bu lift yuxarı gedir, ya aşağı?”. Elə-belə yadıma düşdü…”.

Administratorla əlaqə

077 611-55-22

[email protected]