Netanyahu orduya əxlaqsızlıq gətirmək istədi - Şok iddia

Axar.az xəbər verir ki, bu sözləri İsrailin sabiq Xarici İşlər naziri Tzipi Livni Modi şəhərində çıxışı zamanı deyib.

"Netanyahu Amona yaşayış massivi ilə bağlı qeyri-qanuni prosesləri qanuniləşdirməyə çalışdı. İsrail əsgəri Elor Azaria ilə bağlı məhkəmə işində də qeyri-qanuni yollara baş vurdu. İsrail ordusunda da qeyri-əxlaqi vəziyyət yaratmaq istədi. Netanyahu baş nazirdir, yoxsa oliqarx? Qərar verməlidir”, - Livni bildirib.

Sabiq nazir onu əlavə edib ki, baş nazirlə bağlı aparılan istintaq tədbirləri tez bir zamanda başa çatmalı və qərar verilməlidir.

Qeyd edək ki, Netanyahu rüşvət ittihamı ilə hüquq-mühafizə orqanları əməkdaşları tərəfindən 2 dəfə dindirilib.

Onun iş adamlarından külli miqdarda rüşvət aldığı iddia edilir.