Aksiz markalı malların satışı ilə bağlı qaydalar dəyişdi
Prezident İlham Əliyev Azərbaycan Respublikası Prezidentinin 2015-ci il 7 dekabr tarixli 700 nömrəli fərmanı ilə təsdiq edilmiş "Aksiz markası ilə markalanmalı olan malların Azərbaycan Respublikasının ərazisində dövriyyəsinin tənzimlənməsi Qaydaları”nda dəyişiklik edilməsi haqqında fərman imzalayıb.
Dəyişikliklərə əsasən Qaydaların 3.2-ci bəndində "(pivənin və tütün məmulatlarının pərakəndə satışı istisna olmaqla)” sözləri "(pərakəndə satış istisna olmaqla)” sözləri ilə əvəz edilir.
Qeyd edək ki, 3.2-ci bənddə deyilirdi:
"Markalanmalı malların (pivənin və tütün məmulatlarının pərakəndə satışı istisna olmaqla) satılması və satış məqsədi ilə alınması zamanı həmin malların dəyərinin nağd qaydada ödənilməsinə yol verilmir”.
Bu fərman 2017-ci il yanvarın 1-dən qüvvəyə minir.
