"Maarifçiliyə Dəvət" İB-nin Bakı-Abşeron regionundakı şöbələri ilə görüşlər keçirilib

"Maarifçiliyə Dəvət" İB rərbərliyi tərəfindən təşkilatın regional şöbələri ilə görüşləri davam etməkdədir.

Bu barədə "Maarifçiliyə Dəvət" İctimai Birliyinin Mətbuat Xidmətindən Xeberman.com-a məlumat verilib.

Məlumatda bildirilir ki, "Maarifçiliyə Dəvət" İctimai Birliyinin sərdi Elçin Manafov və təşkilatın rəhbər heyəti regional şöbələrlə görüşlərini davam etdirir.

Bu dəfəki görüş Bakı-Abşeron bölgəsi üzrə keçirilib.

Toplantını giriş sözü ilə açan "Maarifçiliyə Dəvət" İB-in sərdi Elçin Manafov təşkilatın məram və məqsədlərini açıqlayıb.

Hacı Elçin Manafov Ərbəin günü ərəfəsində olduğumuzu xatırladaraq, bu günün məğzinin dərk edilməsi üçün mühüm olan məqamları diqqətə çatdırıb.

O, Kərbəla vaqeəsin baş verməsinə səbəb olan hadisələr və onların əhəmiyyətindən danışıb. Təşkilat sərdi həmçinin Aşura günündən sonra baş verənlərdən, Əhli-beyt əsirlərinə qarşı edilən işgəncələrdən və ümmətin düçar olduğu mənəvi zülmətdən söz açıb.

Daha sonda ehsan süfrəsi açılıb.

Məclisin yekununda xatirə şəkli çəkdirilib.